 |
|
 |
| VISSIR ÞÚ ? |
|
|
|
|
|
24.11.2003
Nú í hádeginu hélt Íþróttabandalag Reykjavíkur blaðamannafund þar sem tilkynnt var um styrkveitingu til fjögurra íþróttamanna sem stefna að því að komast á Ólympíuleikana í Aþenu á næsta ári.
Íþróttamennirnir sem fengu styrk eru:
Jakob Jóhann Sveinsson, sundmaður úr Sundfélaginu Ægi, sem þegar hefur tryggt sér þátttöku á leikunum.
Bjarni Skúlason, júdómaður úr Júdódeild Ármanns, Ragna Ingólfsdóttir, badmintonkona úr TBR, og Sara Jónsdóttir, badmintonkona úr TBR sem öll eiga góða möguleika á að komast á leikana.
Stuðningurinn verður í formi mánaðalegra greiðslna ásamt upphafsgreiðslu:
Upphafsgreiðsla: 100.000 kr.
Mánaðarleg greiðsla: 35.000 kr.
Mánaðarleg greiðsla þegar ÓL þátttaka er tryggð: 50.000 kr.
Landslið Íslands í handbolta hefur tryggt sér þátttöku á leikunum. Þeir reykvísku leikmenn sem verða valdir í landsliðið sem keppir á Ólympíuleikunum munu einnig hljóta stuðning þegar þar að kemur.
Ljóst er á þessu að ÍBR er að styðja vel við bakið á afreksíþróttafólki innan síns héraðs og mun þessi styrkur án efa nýtast þessum íþróttamönnum vel í komandi átökum annars vegar við undirbúning fyrir leikana og hins vegar fyrir þá sem enn eru að reyna að öðlast þátttökurétt á leikunum.
ÍSÍ óskar þessu íþróttafólki til hamingju með styrkinn og þakkar ÍBR fyrir góðan stuðning | |
Til baka |
|
|
|
|
|
